மாம்பழ
பட்டு உடுத்தி
வழி மேல்
விழி
வைத்து
காத்திருக்கும் 
மஞ்சள்
மலரே!!!!
 சீமைக்கு
ஜீவிதம்
தேடி
சென்ற
மாமன்
வந்திட்டேனடி
வஞ்சி
உந்தன்
கைத்தலம்

பற்றிட!!!
கூடையில்

வைத்திருக்கும்
மலர்
மாலை
சூட்டி
வரவேற்றிடயோ!!!!

தேநீர் வியாபாரி…

அதிகாலை முதல்
அந்திசாயும் வரை
அலுக்காமல் உழைத்திடும்
தொழிலாளிக்கும்
மாநகர் கான்க்ரீட்
பூங்காவாகி போன
அலுவல்களில்
அலுவல்
புரியும்
அலுவலர்க்கும்
ஏற்படும்
அக
அலுப்புகளை
புறந்தள்ளி
புத்துணர்ச்சி
பூக்கவைக்க
ஆவி பறக்க
ஆற வைத்த
பருகும் சூடில்
திடமாகவோ
நிறமாகவோ
ஏலம் கலந்தோ
இவன் தரும்
தேநீர் போதுமானது
கோப்பைகள்
குறைய குறைய
இவன்
புத்துணர்ச்சி கூடும்
குறையாவிடில் குறையும்
பல நேரங்களில்
பலருக்கு பசியாற்றும்
இவன் தேநீர்
இவனுக்கு
மட்டும்
ஏனோ
விற்காவிடில்
ஆற்றுவதில்லை
இவன்
பசியை

மலர்ந்தது…

மலர்ந்தது…

அன்னாந்து பார்த்தும்
தூவல் கடித்தும்
முகத்தாடை தடவியும்
புகையிலை புகைத்தும்
மது அருந்தியும்
கடலலை ரசித்தும்
நந்தவனத்தில் நடந்தும்
வராத வார்த்தைகள்
மலர்ந்தது
மழலையின்
முகம்
கண்டவுடன்
என்
கவிதைக்கு

தலைவர் வருவார்

கதிர்காம
கந்தனும்
உம்மை
காக்கவில்லை
தந்தையர்
தேசமும்
உமக்கு
துரோகம்
இழைத்தது
அதை
பொறுத்திடா
தோழன் முத்துகுமரனும்
தோழி செங்கொடியும்
தம்
இன்னுயிர் ஈந்தனர்
இவை
எல்லாம்
கண்டு
உள்ளம்
பொறுமுகிறேன்
இந்த வீணாய் போனவன்
கண்ணாடி சிறையில்
வருந்தாதே
தொப்புள்
கொடி
உறவே
வரும்
மாவீரர்
தினமான
நவம்பர் 27 ல்
முதல் புலி
வரும்
ஈழம்
மீட்டெடுக்கும்
கந்தன்
கைவிட்டாலும்
காவலன்
காப்பான்
என்று
நம்புவோமாக

காதல் போதை

சட்டென்று என் எதிரே தோன்றிய

இறைவன் கேட்டான்

மதி வேண்டுமா மது வேண்டுமா என்று?

மதி இருந்தால்

கண்டதையும் யோசிக்க சொல்லும்

ஏதாவது ஒன்றை  செய்ய சொல்லும்

ஏன் அவளையே மறந்து விட கூட சொல்லும்

மது இருந்தால்

விட்டு பிரிந்த அவள் நினைவுகளிலே

 மயங்கி பின் மறித்தும் விடலாம்

என்பதால்

மது போதும் என்றேன்…

  

 

 

 

நடிகர் திலகம்

இந்திய திரைஉலகின்
தெய்வமகனே
நாங்கள் கண்ட
கட்டபொம்மனே
எங்கள் கப்பல் ஒட்டிய தமிழனே
இந்தியாவின்
மர்லன் ப்ரண்டோவே
நடிப்பிலே
உமக்கு முன்னோடி
இல்லை
உமக்கு பின்னோடி
வந்தவர் பலர்
நடிப்பின் இலக்கணமே
என்று பிரான்சிலே
கைரோவிலே
ஏற்று கொண்ட
உம்மை
ஓர் இந்திய சிறந்த நடிகருக்கான
தேசிய விருது
கூட தராமல்
ஒதுக்கப்பட்டதை
எண்ணி
மனம் வேகிறது
இறந்தும் இறவா
புகழோடு வாழ்பவரே
இந்த மண்ணை விட்டு
நீர் மறைந்தாலும்
என்றுமே
திரை உலகின்
விடி வெள்ளி நீர்தான்

செங்கொடி

"செங்கொடி"

இறந்த பின்
இருந்து
சாதித்து
இருக்க வேண்டுமென்றனர்
இறந்ததால்தான்
அரசை
தூக்கு கயிறு
நோக்கி
திரும்பச் செய்யும்
சாதனை செய்தாள்
இந்த உதிர்ந்த
மலர் கொடி
எமது தோழர்
செங்கொடி
நெஞ்சு நிமிர்ந்த
எமது வீரவணக்கங்களை
சமர்பிக்கிறோம்

மனிதபிறவி

ஒருவனும்

ஒருத்தியும்

ஒருயிராய்

ஒருங்கிணைய

இன்னொரு

உயிராய்

அழுகையோடு

இன்பம்பொழிந்து

தலைகீழாய்

உலகில்

உதித்து

தவழ்ந்து

வாழ்க்கை

பாதையில்

சிரமப்படாமல்

நேராகச் செல்ல

சிரமப்பட்டு

கண்ணீரோடு கவலையில் வாடி

பொருளைத் தேடி — பின்

காதல் நாடி

காமத்தில் கூடி — மீண்டும்

இன்னொரு உயிராய்

உதித்து

உதித்து

மறையும்

இந்தப்

மனிதப்பிறவியில்

முடி வேந்தாயினும்

பிடிச் சாம்பலாய்

காற்றில் கலக்கணும்

ஆயினும்

மீண்டும்

மனிதனாய்

தோன்றி

மறைய

மாதவம்

புரிவேன்

அம்மா

அழகு
அழகாய்
ஆயிரமாயிரம்
பொய்களை
ஏதேதோ
கவிதை
என்று
எழுதினேன்
ஏனோ
உன்னைப்பற்றி
எழுத
எத்தனிக்கையில்
"அன்பு"
என்ற
மூன்றெழுத்தை
தவிர
வேறு
எழுத்துக்களையோ
வார்த்தைகளையோ
காகிதத்தில்
தூவவில்லை
என்
தூவல்

வேண்டும் இன்னுமோர் சுனாமி!

காலார நடந்து
கடற்கரைக்கு
காலத்தை
களிப்போடு
கழிக்க
வந்தேன்
கடற்கரை
கட்டுமரங்கள்
காதல் போர்வையில்
காம களியாட்டம்
ஆடுவோர்
களிப்பு அறை
ஆனதால்
கடுஞ்சினத்தோடு
இறைவனிடம்
வேண்டினேன்
இன்னுமோர்
சுனாமி
வேண்டும்
என்று